ياحلم صعب المنال

يا حلم صعب المنال واشوفه قدامي

مثل سراب يخيل في عين العطشان ماء

احاول امسكه امد له يدي

ويتسلل من اطرافي مثل نور

 تحسه بس ما تقدر تمسكه

بسمة حياتي

ليلتي كلها سعاده بلقياك 
بوجودك البسمه ما تفارق حياتي
نور القمر يسطع من محياك
جمالك الفاتن اسرني يا غلاتي
كلامك العذب شهد ينساب من بين ثناياك
اسمعه بأذني واحس طعمه في شفاتي
يا ليت اقضي كل العمر وياك
وجودك بدنياي اغلى امنياتي

فلاش قمة في الابداع من سارة عبد العزيز

شوق العيون

اودعك وفي عيوني شوق لعيونك

حتى ايديني وهي بين ايدينك ذبحها الشوق

علميني كيف بلحظه صرت مجنونك

 علميني يا ملكه الاحساس يا ذوق

كنت اظن قلبي في برج عالي عن سهومك

واثر الهوى ساق قلبي لقلبك سوق

واعلن انهزامه لما غرق في بحر عيونك

 وسلم لك مصيره لما ذاب من الشوق

شذى الورد

فاح الورد وانتشى عطره

من يوم لمسته شذى بأناملها

معذور من رقتها استحى وتورد خده

حاول يلقط انفاسه ونثر من العطور اطايبها

والتقى طيب على طيب وانتشى حده

طيب الورد وطيب من بأنامله لمسها

رقيقه احساس مثل نسيم الفجر وصفه

يسري على الوجنات بلطافه ويخجلها

ما الوم انا الورد لو تورد خده

لمسه شذى الورد اخجل تواجدها

نهاية حب

ابتعد عني خلاص انتهى حبك
بعيني شفت الخيانه كافي تخدعني
كنت احسبك مثلي صافي لي بحبك 
واثرك على الحبلين ناوي تلعب بي وتتعبني
تدري حبيبي روح الله يسهل لك 
وجودك بحياتي صار اخر شي يشغلني 
سبحان من كشف لي معدنك واصلك
 توضح لي ما كان خافي ربي رحمني
حبك طويته من حياتي انتهى امرك 
خذ معك باقي ذكرياتك معاد تهمني